Illussanik titartaasartup eqqarsaataaniit naammassillugu ilusilersorneranut
Illup iluata ilusissaanik titartaasartoq toraagaqaleraangami, takorluukkami piviusunngortinnissaa iluatsinnialersarpaa.
Nuummi Tusassip allakkeriviata ilua ilusilersorneqartussanngormat sulineq aamma taamaappoq. ATM Design (All That Matters) suleqatigalugu illup iluata ilusilersornissaa tunngavilersorneqarmat, ilusilersornera qalipaasersorneralu matumani pineqarputtaaq. Takorluugarlu tamanna Arctic Import Livingip uummartittutullusooq piviusunngortippaa.
Allakkerisarfiup immikkoortortaani assigiinngitsuni suliaq ingerlanneqarpoq:
Isaariaa, saaffiginnittarfik, suliaqarfiit, sulisut isersimaartarfiat aammalu nerisarfiat. Ini assigiinngitsunik pisariaqartinneqartunik atortulersugaq, ilusilersuinerullu toraarniagaa qimannaveersaarlugu tamarmik ataqatigiittussanngorlugit suliaasumik.
Ilusilersuinermiit aaqqiinermut
Ilutsinik titartaasartup ilusilersugai aallaavigalugit Living-teamikkut isumassarsiarineqartunik timitaliipput.
Arctic Import Living pisattanik tiguneqarsinnaasunik isumaginninnerani, ATM Design pisattanik qinnikkanik ikkussugassanik isumaginnippoq.
Atortussianik tunniussuinerit ilaat siumungaaq aaqqitaareeraluartut aammali ilaqarput pisattanik ujaasiffiusunik, taakkulu titartaasartup takorluugaanut pilersinniakkallu attalluarsinnaaneranik sapinngisaq tamaat naleqqutsinniarneqarput.
Aaqqiissutillu tamakku ilaqarput, allatsitsivinni katalogini takussaanngitsunik imaaliallaannarlu pissarsiassaanngitsunik. Soorlu naasuliviit karsit immikkut ittumik suliap siunertaanut naleqquttumik sanaajusussaapput taamaalillutillu inip ataatsimut isikkuanut tulluartuusussaallutik.
Suliassatsinni pisattanik inniminniiginnartussaanngilagut. Titartaasartup takorluugaa paasisussaavarput piviusunngortillugulu. Tamannalu pilersinniakkamut ilisimaarinnittuunissamik piumasaqartuuvortaaq, assartuinerup iluani attavissanut nukittuumik atassuteqarfiginnittussaanermik aamma imaqarpoq, aaqqiissutissanillu allanik piumassuseqartariaqarpoq, pilersinniakkap / sanaap eqqortup ilisivimmut ilineqannginnerani.
Jan Rasmussen, Tuniniaanermi pisortaq, Arctic Import Living
Eqqortumik suleqatigiilluarsinnaaneq eqqortumik aaqqiissummik pilersitsisarpoq
Illup iluata ilusilersorneranut suliaqarneq uagutsinnut isumaqanngilaq listimut ikkussiniaannarluni pilersitsiniarnermik. Suliamut tamakkiisumik isiginnissinnaaneq matumani pineqarpoq aaqqiissummillu nassaarluni, taamaalilluni ilusilersorniakkap atuussinnaassusaa, naleqassusaalu ataqatigiissunngortinniarneqartussaammata.
Tuniniaanerup silarsuaanut ilisimasaqartariaqarpoq, nioqqutissiortunut leverandørinut eqqortunut suleqateqarsinnaasariaqarpoq minnerunngitsumik aaqqiissutiginiagaagaluaq suliassamut naleqqutinngeriataassagaluarpat aqqutinik allaanernik ujaasisinnaassuseqartariaqarluni.
Taamaalilluni Arctic Import Living isumassarsiamiit piviusunngortitsinermut aqqutaavoq taamatuttaaq titartaasartup takorluugaanik piviusunngortitsisuusarluni.
Titartaanermiit piviusumut piffissami sivikitsumi ikaarsaarneq
Allakkerisarfiup nutaap ammarnissaata tungaanut suliniummut piffissarititaasoq sukangasuumik sukatigaaqaaq.
Piumasarineqarporlu suliap ingerlarnga tamaat tunniunneqarnissaata tungaanut ataqatigiissarluarneqassasoq toqqaanermiit pinngortinniakkap naleqqussarnissaanut naammassinissaata tungaanut. Atortussat pilersuisullu leverandørit assigiinngitsorpassuit akuutinneqarput suullu tamarmik piffissamik eqquilluarnikkut ingerlanneqartariaqarsimallutik.
Piffissamut pilersaarut sukangavoq, tamannalu anguneqassappat aqqutaa tamaat suleqatigiilluartoqartariaqarpoq. Aaqqiissuteqarniarnermi tamarmik nukimmik tunniussaqarput, ammaanersiornerlu tikillugu anguniagarput taamaalilluta angusinnaanngorlutigu.
Jan Rasmussen, tuniniaanermi pisortaq, Arctic Import Living
---
Allakkerisarfillu tassaalerpoq, saaffiginnittarfittaa, sulisut suliffigisartagaat, sulisut isersimaartarfiat nerisarfiallu ataqatigiissumik tamakkiisumik isiginnilluni iluseqalersoq, taamaalillunilu illup iluata ilusissaanik titartaasartup ilusiliaa piviusumik naammassilluni nuannersumik isersimaffigineqarsinnaalerpoq.
Tassalu Arctic Import Living tassa taamaattuuvoq: Takorluukkap piviusunngortinnissaa isumagisarparput, titartakkamiit piviusunngornissaata tungaanut.