PEQUTIT ATAASIAKKAAT ATUARFIK MATHIAS STORCH-MUT
Ilulissani Atuarfik Mathias Storchimi pequtinik ataasiakkaanik pisortatigoortumik suliarinnittussarsiuussinermi Arctic Import iluatsitivoq. Nassiussinermi touch-skærmit, nerriviit, issiaviit, toqqorsivissat, nalaasaarfiit, allattarfissuit, qulliit, nalunaaquttat, silami pequtit, saagut, grafikki, igafimmi atortut, sakkut allallu ilaapput.
Arctic Import atuarfimmi iluarsiissutit pitsaanerpaat anguniarlugit, titartaasartut suleqatigilluarnerisigut amerlassutsit, qalipaatinik katiterinerit atortussanillu toqqaanerit anguneqarsimapput.
Init atuartitsiviit issiavik ilinniartitsissut Ray atorlugu pequsersorneqarput nerrivillu portussutsimigut aaqqinneqarsinnaasoq SUB tamarmik Labofa-meersut, tamatuttaaq allattarfissuit atortorissaartut Prowise-meersut whiteboard-illu aamma Abstracta-miit allagarsiiviit.
Atuarfimmi inerujussuaq assigiinngitsunik immikkoortortaqarpoq, nerisarfik/ataatsimiittarfik ammalortunik nerrivilik Randers Radius Design-imeersunit Mood-inik issiavittallit, unitsiartarfiillu Fatboy-imit poorsuarnik issiavilialersugaq . Atuarfimmi inerujusuup qulaatungaa pequtinik maavaartunik pisatsersugaavoq, pisariaqartitsineq naapertorlugu katitersinnaasunik, akisit issiaviisallu Softline-meersut Howe-miillu nalaasaarfik katitertagaq. Assiaqutit ingerlattakkat Abstracta-meersut inerujussuarmi ineeraliornissamut pitsaapput.
Toqqorsivimmi BCI bibilioteksinventar-mit ilisivinnik sisammik sanaanik allanngorartinneqarsinnaasunik aaqqiisoqarpoq. Illup ilua silataalu immikkut ittumik allagartalersugaavoq. Allaffik allanngujuitsunik nerrivinnik toqqorsivinnillu Holmris-imeersunik pequsersugaavoq aamma issiavik Labofa-meersoq kusanartoq ergonomiskiusoq. Immikkut pingaartinneqarsimapput soorlu nerrivimmi assiaqutit qulliilu aammattaaq orpiit manngertut ilaannit toqqorsiviliat.
Atuartitsivinni atuarfimmi issiaviit atornagit issiaveeqqanik atuisoqartarpoq, nerriveeqqallu pingasunik teqeqqullit assigiinngitsunik katiterneqarsinnaasut. Atisaasiviit atisaasivinnik angallattakkanik Hyll-teknik-imeersunit inississugaapput. Natsanut ilisiveqarpoq naatiffittalinnik allanngortitersinnaasunik, kamippannullu illisiviit bakkinik kusertarfissallit.