Arctic Import pillugu
NUNAT AVANNARLIIT ILISIMASAQARLUARFIGIVAGUT
Arctic Import suliffeqarfiuvoq ilaqutariinnit pigineqartoq. 1978-mi suliffeqarfik tunngavilerneqarpoq niuertunut nioqquteqarnermi pilersuisunilu siuttut nukittunersaat ilaattut Kalaallit Nunaanni ineriartorsimalluni, isumaginninnikkut akisussaaffeqarneq pimoorussinerlu ukkataralugit. Nalaatsornerinnarmi Arctic Import-imik taajuteqanngilagut. Atlantikup avannarpassissua ilisimasaqarluarfigivarput, ulluinnaallu soqutigisaqarluarfigisarpavut. Arctic Import kalaallit nunaanni, savalimmiuni, islandimilu tuniniaaviit nakkutigisarivai, suliffeqarfillu ukkatarinnittumik niueqataavoq, pisortanit suliffeqarfinnik namminersortunillu suleqatiginnittoq pingaartumik nioqqutissanik immikkoortitikkanik ataasiakkaanik, nerisassanik, nerisassaanngitsunillu.
Pisisartut allattorsimasuutivut assigiinngiiaartupilussuupput, suliffeqarfiit mikinerniit ullormiit ullormut nassiussisarnerit akunnittarfimmut ataatsimut arlariianik pigisalinnut, neriniartarfinnut, sanaartornermut ingerlataqartunut, napparsimmaveqarfinnut, pisortat suliffeqarfiannut namminersortutullu suliffeqarfinnut . Ukiut ingerlanerini piginnaaneqarfigut sullissinivullu nukittunerulernikuupput, ullumikkullu Arctic Import nassiussisartuuvoq niueqataasuullunilu Kalaallit Nunaanni Atlantikullu Avannarpasissuata sinnerani.
Arctic Importimi pisisartutut niuernermi, sullissineq, paasisimasalimmik siunnersortinneq misigisassat nalinginnaasut ilagivaat. Atlantikup Avannarpasissuani kiffartuussinigut illoqarfinni anginerni taamaallaat pisanngillat, aammattaaq avannaani avinngarusimanerpaasuni kiffartuussisarpugut. Ullumikkut Arctic Import 120-nik sulisoqarpoq.
Kiffartuussinigut pisisartutsinnut qaninnerutinniarlugit, Arctic Import Nuummi Thórshavnimilu quersuaateqarput Aalborgimilu allaffeqarlutik. Pisisartugut qanittumiitinnissaat uagutsinnut pingaaruteqarpoq, unammillernartitai pisariaqartitaallu ilisimanissaat sullissinissarlu pitsaanerpaaq sullitanut tamanut pingaaruteqarpoq. Ulluinnarni nioqqutissanik - uummaarissumik pilersuisarneq, takornariaqarnermi, sanaartornermik suliffeqarfinnut aamma aatsitassarsiornermik suliffeqarfinnut qulakkeertarparput.
ASSARTUINERMIK PAASISIMASAQARLUARTUT
Paasisimasaqarluartunik, qanoriliuutsinik ilisimannittunik logistikkilerinermillu nukittuunik suleqateqarpugut. Nioqqutissat Danmarkimiit Nunanut avannarlernut nassiunneri malinnaavigalugit suliarisarpagut aamma illoqarfiup iluani pisisartunut nassiussassat.
SULLISSINERPUT
Sullissineq DNA-tta ilagivaa. Pisisartugut pillugit sunarujussuaq angusinnaasarparput. Tamanna sungiusimavarput – atugarisallu tunngavigalugit pisariaqarluni – uagutsinnullu nalinginnaasuuvoq.
ILINNIARTISSAVATSIGIT
CSR Greenland-imi A-tut ilaasortaavugut, nunaqavissunillu sulisoqarnissaq pingaartitsilluta, aammalu tunngaviusumik ingerlariaqqiffiusumillu nunaqavissunik ilinniartitsisarpugut. Tuniniaasarfitsinni tamani nutaanik sulisussarsiukulasarpugut.
NALEQARTITAGUT
Naleqartitat piorsarsimassusermut nassuiaaqataasuupput – suliffigisatsinni ulluinnarni pingaaruteqarput.
Naleqartitat kinaanitsinnik immitsinnullu pissusilersoqatigiinnitsinnik oqaluttuartuupput. Suleqatitsinnut tunngatillugu pingaaruteqarput, kisianni aamma sullitatsinnut suleqatigisatsinnullu tunngatillugu. Suliffeqarfik sulisullu illugiisillugit naleqartitanut pisussaaffeqarnissaq pingaaruteqarpoq. Siunissaq ungasinnerusoq eqqarsaatigalugu attaveqatigiinnissaq upperaarput, suleqatigiilluta tapersersoqatigiilluta pilerinartumik suliffikkuminartumik suliffimmillu iluatsitsilluarmik ineriartortsiteqataalluta.
ANINGAASANIK TAPERSIISARNERMUT POLITIKKI
Atlantikup avannarpasissuani suliffeqarfissuartut nukittuutut inuiaqatigiinni peqataaffigisatsinni suliniutigisatsinnut pitsaasumillu ineriartornissaq suliassatut akisussaaffigissallugit isigaarput. Ukiut tamaasa Artic Importip meeqqat inuusuttullu inuunerminni pitsaasumik aallartinnissaat inuiaqatigiinnilu pitsaanerusumik ingerlasinnaanissaannut suliniutit tapersersortarpai.
Kræftip akiorniarneqarnera Kalaallit Nunaanni ilaatigut tapersersorparput aamma meeqqanut suliniuterpassuit.
Aningaasanik tapersiisarnitsinnut siunertarisat pingaarnerit ilagivaat:
- Suliniutit iliuuseqarnerillu inuiaqatigiinni naleqartitsisunut tapersiisarpugut. Meeqqat atugarissaarnerunissaannut suliniutit piviusut imaluunniit nioqqutissanik tapersiisarpugut.
- Inuinnaat imaluunniit peqatigiiffiit aalajangersimasumik akiliuteqarfigisarlugit.