Arctic Import iggavik immikkut ittumik ilusilersugaq hotilimut sisamanik ulloriartalikkamut nunarsuarmi avannarpasinnerpaamiittumut tunniussivoq
Hotel Arctic Ilulissaniittoq Ilulissat Kangiani immikkuullarissumik inissisimanini kisiat tusaamasaassutiginngilaa – aammattaaq nerisassassioriaatsimut nunarsuarmi pitsaanerpaat ilaannut misigisaqarfiuvoq. Hoteli nutaamik iggavittaartussanngormat najoqqutassiaq annertooq front cooking malillugu, Arctic Import ajornaquteqanngitsumik tunniussisussatut qulakkeerinnissasoq toqqarneqarpoq.
Iggaviup ilusilersornera Arctic Importip suleqatigilluartagaa Bent Brandt Hotel Arctic peqatigalugu suliarineqarpoq. Iggaviup hotelip pitsaalluinnartuuneranut atorluarnissamullu pisariaqartitsineranut tulluussarnissaa pingaaruteqarsimavoq. Teknologinik nutaaliaalluinnartunik atortulersugaavoq, soorlu kissarsuutit induktionit, kissarsuut supoortulik nillataartsitiviillu – tamarmik pitsaasumik ilusilersukkat qernertunik qajuusaasanik lakkikkat messinginillu ilallit. Najoqqutassiaq Front Cooking nerisassiorneq qanittumi misigisaqarfiginissaanut periarfissiivoq, kalaallit nioqqutissiai atorlugit sananeqarlutillu toqqaannaq sassaalliutigineqartarlutik. Taammattumik iggavik sassaalliinerup nalerpiaani naammassisaqarsinnaaneq kusanartuliornerlu ataqatigiissaarluarlugit aaqqissuussaavoq.
Logistikkimik suliassaq ajornakusoortoq eqqorluinnartumik naammassineqarpoq
Arctic Importip tunniussinissaq ataqatigiissaarpaa, iggavik ajorni Ilulissanut tikisinneqarniassammat- suliassaq peqqissaartumik pilersaarusiugassaq, imaq sikutinnagu tunniussinissaq pisussaammat. Iggavik pitsaalluinnartumik tikinissaa qulakkeerniarlugu, suleqartigilluartagarput Bent Brandt aamma Blue Water Shipping qanimut suleqatigivagut. Hotelli nammineerluni sulisartunik kraninillu ingerlatsisartunik misilittagalinnik isumaqatigiissusiorsimavoq, iggaviullu ikkussugassartai svejsernikut hotellip initaata alliup tullianut eqqorluinnartumik inississorlugit. Iggaviup ikkussugassartai qisunnik qajannaallisarlugit poortorneqarlutillu containerinik assartorneqarput, ajoquteqaratik tikinnissaat qulakkeerniarlugu – tunniussinissaq, miannersuulluagassaq.
Ilulissat Kangiani inissisimaffimmini nunanullu tamalaaneersunut mittarfissaq 2027-mi ammartussamut, Hotel Arctic nunarsuarmit tamaneersunit tikeraaqarnissaminut piareerpoq. Maanna iggavik hotelip tamakkiisumik misigisaqarfiginissaanut qitiulluinnarpoq, Arctic Importimilu takorluugaq taanna pivisunngortinneranut peqataasimasutut tulluusimaarpugut.
