Restaurant Nivi & Charoen Porn

Saagunik aaqqiinerit, ulluinnarnik allannguisut

Sutorniartarfiutillit Elise Dahlstrøm aamma Rikke Pedersen-mut ulluinnarni ingerlatsinermi pequsersuinermilu sutorniartarmmi saagunik ilusiliineq pingaaruteqartutut isigilluinnalersimavaat.

Saagulersuilluni aaqqiineq Restaurant Nivi-mi aallartippoq. Sutorniartarfiup, Arctic Import-ip aammalu KHR Architecture suleqatigiilluarnerisigut ininik atoruminarsaallunilu najoruminartunik tunngaviliimmat.

Misilittakkat ima pitsaatigipput, allaat sutorniartarfimmi Charoen Porn-imi nutarsaanermi saagut aamma ilanngunneqarlutik.

Restaurant Nivi

Restaurant Nivi-mi seqinermik assersimatinnissaq kisimi siunertaanngilaq, kisiannili ininik allanngorartitsisinnaasunik pilersitsinissaq, ulluunerani qaamanermik aqutsinissaq pulaartullu tamakkiisumik misigisaqarnissaanut tunngaviliinissaq.

Inerniliinermi saagut assigiinngitsut arlallit atorneqarput, ilaatigut saagut ininik agguataarinnittut, illup saqqaanut saagut, seqinermik assiissutit, saagunik toqqorsiviit iggavimmilu eqqiluisaarnernik aaqqiinerit.Inerniliinerit tamarmik immikkut atuuffeqarput, tamakkiisumilli ilivitsuussusermik pilersitsillutik, taamaasilluni saagut atorluaanissamut, ilorrisimaarnissamut silaannarmillu tapersiipput.

Aallaqqaammut saagut Restaurant Nivi-p pilersaarutaanut ilaanngillat. Arctic Import-ip ininik aaqqissuisartutut siunnersortaanit, sutorniartarfimmit illussanillu titartaasartup akornanni oqaloqatigiinnerni pilersaarut ilanngunneqarpoq. Ullumikkut sutorniartarfimmi atorneqarnerpaatut ilaapput.

"Saagut nuannareqaakka. Ullut tamaaviisa atorneqartarput – saagoqqallutik saagueqqallutillu, pissutsit apeqqutaasarput ullukkullu qaamaneq apeqqutaasarpoq. Sutorniartarfik assut nuannersisittarpaa."

Rikke Pedersen, Restaurant Nivi-mik Charoen Porn-imillu piginnittoq.

Saagut atorlugit init immikkoortiterneqarsinnaapput matunngikkaluarlugit. Annoraamerngit akimut ersittut atorlugit agguataarinninnerit oqitsut allanngortikkuminartullu pilersinneqarput, saagulli ussissut illup saqqaanut sunniuteqarluartumik seqinermik assiinissamik qulakkeerinnillutillu ilorrisimaarnartumik silaannaqartitsipput..

"Saagut init ilagiinnartussaanngilaat, kisiannili sutorniartarfimmi ininik paasinarsaasussatut sakkussaapput. Taamaanngippat tunngaviatigut taamaallaat inerujussuuinnartussaavoq. Sutorniartarfik qanoq atorneqarnissaa apeqqutaalluni, saagut atorlugit immikkoortitaarinnittoqarsinnaavoq misigissutsinillu assigiinngitsunik pilersitsisoqarsinnaalluni."

Kasper Lykke Andersen, Arctic Import-imi pequsersuillunilu tuniniaasartoq.

Restaurant Charoen Porn

Sutorniartarfinni marluusuni ullumikkut saagut ilusilersuisarnermi atortuusunut ilaapput, avatangiisinik allanngorartunik pilersitsisut, qaamassutsinik pitsannguisut pulaartullu isernerminni misigissutsinik pilersitseqataasut.