Nuummi atuarfik inussuk

Atuarfik Inussuup atulernerani

Nuuk nutaaliaasumik atuarfeqalerpoq, tassani ilikkarnissamut avatangiisit, ataatsimooqatigiinneq allanngorartitsisinnaanerlu kvadratmeterini ataasiakkaani tamaginni ilanngullugit eqqarsaatigineqarlutik. Arctic Import suliniummut pequtinik pequsersuutinillu pilersuivoq, tassanilu Kalaallit Nunaanni meeqqat atuarfiannut pequtinik pigisanillu nuunneqarsinnaasunik pilersuineq aatsaat taama annertutigaluni.

Meeqqat atuarfiat atuarfiup ulluinnarni ingerlaneranut sinaakkusiisussaavoq, tassani nutaaliorsinnaaneq, suleqatigiinneq, suliassaqarfiit akimorlugit ilinniagassat ingerlalluarnissarlu qitiusunut ilaatinneqarlutik. Taamaattumik isumassarsiortitsisunik ineriartortuartunillu avatangiiseqalersitsinissami, atuartitsinermut ataatsimooqatigiinnermullu tunngavissiisussami, pequsersuineq aammalu pequtinik pequsersuutissanillu toqqaaneq aalajangiisuulluinnarsimapput.

"Atuarfik atuarnissamut sinaakkutissiivoq, tassani nutaaliorluni ilinniarnissamut avatangiiseqalersitsinissaq annertuumik pingaartinneqarluni. Taamatut siunertaqarluarnermi pisatsersorneqarnera pingaarutilimmik inissisimavoq, aammalu pisattanut aaqqiissutissanik, ilikkarnissamut, ataatsimooqatigiinnermut ingerlalluarnissamullu tunngavissiisunik, suleqatigisartagarput, Lekolar, qanimut suleqatigalugu suleqataasinnagatta nuannaarutigaarput."

oqaluttuarpoq Suliniummut akisussaasoq, Kasper Lykkegaard Andersen.

Pequtinik toqqaanermi, atuartunut ilinniartitsisunullu annikitsunik, toqqissisimanartunik ilikkagassanut ataatsimooqatigiinnissaq eqaatsunillu atugassaqartitsinissaq pillugit meeqqat atuarfianni takorluugaqarnermut naleqqussaaqqissaartoqarpoq. Lekolar-ip pisatsersuinermut titartaasartui misilittagallit suleqatigalugit ilikkarnissamut avatangiiseqalersitsisoqarpoq, atuartitsinermi periaatsinik assigiinngitsunik tunngavissiisunik aammalu eqeersimaartumik peqataanissamut isumassarsiortitsisumik.

Tuniniaanermut pisortaq Klaus Sindberg, Lekolar-imeersoq oqaluttuarpoq:

"Suleqatigiilluartorujussuusimavugut aammalu ammasumik qanimullu oqaloqatigiissimalluta. Suliniutip taama annertutigisup, Nuummi meeqqat atuarfiattut nutaatut ittup, aallartinnissaanut tamanna pisariaqarpoq. Suleqatigiinnitsinni nukittuffigaarput pisinnaasaqarfigilluakkatsinnik tamatta immikkut suliaqarusukkatta. Sullitanut nuannaarutaasumik suut tamaasa qaffasinnerusumiilersittarpagut, aammalu kikkut tamarmik meeqqat atuarfittaavat nuannarilissagaat qularutiginngilara."

Meeqqat atuarfiat atuartitsiviuinnartussaanngilaq. Illutaa aamma najukkami innuttaasut katersuuttarfiattut atortussaavoq, tassani sammisassat aaqqissuussinerillu assigiinngitsut ingerlanneqarsinnaallutik. Peqatigisaanik najukkami peqatigiiffiit atortorissaarutinik atuisinnaapput, tamatumalu illoqarfimmi ataatsimooqatigiinni meeqqat atuarfiat eqeersimaartumik ilaalersippaa.

Suliniutip tunuaniippoq ingerlasussanik piareersaanermik suliaqarneq annertooq. Arctic Import-ip suliniummik aqutsineq, pitsaassutsinik qulakkeerineq aammalu Danmarkimiit Kalaallit Nunaannut pilersuutissanik ataqatigiissaarineq akisussaaffigisimavai. Pequterpassuit aammalu pequsersuutissat ikkussugassat Nuummut isumannaatsumik assartorneqarput, tamatumalu kingorna ikkussorneqarlutik aammalu suliniutip tamarmiusup ilaatut atortulersuutigineqarlutik.

"Pequtinik taama amerlatigisunik pilersuinerup ataqatigiissarnerani ingerlasussanik piareersaanermi inissitsiterineq annertunerusoq suliarineqarpoq. Taamaattumillu aallaqqaataaniit naggataanut peqataavugut,"

oqaluttuarpoq Kasper Lykkegaard Andersen.

16.500 kvadratmeterinik tamakkiisumik annertussuseqarluni Atuarfik Inussuk illoqarfimmi meeqqat atuarfiisa pisoqaanerusut amerlanersaasa ataatsimoortinnissaannut taarsernissaannullu ilusilersugaavoq. Ilikkarnissamut avatangiisit nutaat atuartut fag-ini ineriartornissaat aammalu nutaaliaasumik atuartitsinissamut eqaatsunik atugassaqartitsinissaq tunngavissinneqarput, tassani aaqqissuussineq qitiusumi inissisimalluni.

Pequtinut aaqqiissutissat eqqarsaatigilluakkat aammalu siunnersortinik, pilersuisunik aaqqissuussinermullu immikkut ilisimasallit akornanni qanimut suleqatigiinnermi qanoq anguniagaqarluarluni takorluukkat, atuartunut, sulisunut najukkamilu innuttaasunut naleqalersitsisumik, ingerlalluartumik ilikkarnissamut avatangiiseqalersitsisinnaanerannut suliniut annertuumik assersuutissaavoq.

Arctic Import ukiorpassuit ingerlaneranni Kalaallit Nunanni illuliassanut pisatsersugassanullu suleqataasimavoq, ilanngullugu aamma Nuummi ulluunerani paaqqinniffimmut Naasut-nut, 2023-mi decembarimi ammartumut, pequtinik, pinnguarnermut atortunik pequtsersuutissanillu pilersuineq.