Inuunermi aqqutigisat – atuuffiit misigissutinik naapitsigaangata
Napparsimmavimmik pisatsersuilluni, atuuffiit kisiisa pineqartanngillat. Aamma inunnik tunngassuteqarput. Ulluinnarnut tunngassuteqarput malittarisassassanillu allaassutit, qajannassuseq neriuuteqarnerlu. 2024-mi Arctic Importip Landssjúkrahúsið kantiinaa nutaaq nuannaarutigisaminik pequsersornissaanut periarfissinneqarpoq – ini tamanit atorneqarsinnaasoq.
Kantiinamik pilersitsinissaq suliassatut taaneqarpoq, napparsimasut, qanigisat sulisullu eqqissisimaarfissaannik qanilaarfissaannik napparsimmavillu ulapaarfiusoq qimalaarnissaanut periarfissiisoq. Nerilluni, kaffisorujoorluni, imaluunniit nipaallisimaatsiarfigissallugu nalinginnaasumik tamakkiisoq isigalugu pingaaruteqartoq. Ilaatigut nalaasaarfinnik malunnaarsaarluni oqaloqatigiifiusinnaasunik eqqarsarujoorfiusinnaasunillu pequsersuinikuuvugut, aamma pinnguartarfimmik illuaqqanik pilersitsilluta, meeqqat toqqisisimaffigisinnaasaanni, nalinginnaasumillu misigisaqarfigisinnaasaannik – aamma atukkani atornartuni.
Nalaasaarfiit illuaqqallu suliami immikkut ittumik sananeqarnikuupput. Nalaarsaarfiit immikkut ittumik portussuseqartillugit tunniunneqarput, napparsimasut pualasoorujussuit toqqissisimasumik isumannaatsumillu atuisinnaanissaanut misilittarneqarlutillu akuerineqarnikuupput. Illuaqqat, pequsersuinermi toqqissisimanartumik takorluuiffiusinnaasunillu katitikkat, illorsualiornermi kusanartuliortaatsimik naleqqussagaavoq.
Illussanik titartaasartup Nina A. Argep titartarlugulu ilusilersugaa, pequsersuinermi kantiinap qaamasuunera ammasumillu illuliortaatsimut ataqqinnilluni toqqaasoqarpoq. Pequsersuinermi sinaakkutissat takorluugarivai – takorluugaq uagut Artic Importimi nassiussinikkut nuannaarutigalugu tapersersorsimasarput siunnersiugaqartigisatullu pequsersuinermi ineriartornermi. Ineriartortitsinermi pequtit, illuliortaaseq atuisullu misigiqarnissaat tamarmik qitiusimapput.
Arctic Importimi illussanik titartaasartut pisiortorfiillu suleqatigilluarlugit, tamarmik immikkut ilisimasaqarluartut, pitsaassuseq atorluarsinnaanerlu nassiussinitsinni qulakkeersimavarput. Uagut tusarnaarnissaq, siunnersuinissaq sunalu tulluarnerpaanersoq ujartussallugu suliassarisimavarput – uanilu napparsimmavimmi inimik atornissamik tulluarsakkamik, inuuneq qanoq ikkaluaraangalluunniit inuuffigisaq, nuannersumik tapeeqataaffigaarput.
