TORSHAVN-IP QEQQANI UNIVERSITET-ITUT SANAARTUKKAMI PINGAARUTILIMMI PEQUSERSUINEQ
Umiarsualivimmi savalimmiuni illoqarfiit pingaarnersaanni Torshavn-imiippoq tarajuusivissuaq, ullumikkut Færøernes Universitet-ip campuserisaa. Arctic Import pequtinik atortussanillu sanaartukkamut pingaarutilimmut nassiussinikuuvoq, taakku ilagivaat atuartunut nerriviit issiaviillu, allaffinni pequtit isersimaartarfimmilu pequtit.
Savalimmiuni aalisartutut inuiaanermiit ullumikkumut nutaaliaanerusumik inuiaqataasunngorneq qeqertarpaat akornganni malunnaateqarpoq. Ikaarsaarnerup ilisarnaataasa ilagivaat savalimmiuni illoqarfiit pingaarnersaata qeqqaniittoq Sjóvinnuhúsið tarajuusivissuaq nutaanngitsoq. Qangaanerusoq Savalimmiuni annertuumik aalisakkanik tunisassiornermi taratsunik toqqorterivittut atorneqartarnikuusoq, kisianni ullumikkut Færøernes Universitet-imut ilaavoq.
Tarajuusiviusimasup ilaani affarlianiittunilu ullumikkut auditoriaqarpoq, atuartitsiviit, kantiina, kiisalu allaffeqarfik. Pequtit atortussallu allat atuartitsivippassuillu Arctic Importimit nassiunneqarput.
2018-mi tarajuusivissuaq iluarsartorneqarpoq, pisortat suliffeqarfiannit Landsverk-imit siulersorneqartumit, Savalimmiuni pisortatigoortumik sanaartorfinni sanatitsisartut. Savalimmiuni illunik titartaasarfik SNA Arkitekter suliamuttaaq peqataavoq, tassanilu Arctic Import-imik suleqatiginninneq naammagisimaarneqartupilussuuvoq.
"Sjóvinnuhúsið-mi Setrið-ip init aaqqissornerani Arctic Import pitsaasumik qanittumillu suleqatigivara. Pilertortumik peqqissaartumillu siunnersorneqarpunga atortussanillu misiliutissanik allatsitivinnillu nassinneqarlunga. Pequtit imminermini qaffasissumik pitsaassuseqarnerisa saniatigut, siunnersoqatigiinnerup ingerlarnga suliap iluatsilluarneranut tapersiivoq ", illunik titartaasartoq Nina A. Arke SNA Arkitekter-neersoq oqarpoq.
Arctic Import pequtinik nassiussinermik atortunillu aaqqiinernik ilinniagaqarfinnut misilittagaqarluarpoq, tamatumani ingammik Savalimmiuni. Tamannalu tunngavigerpiarlugu Arctic Import Nunani Avannarlerni paasisimasaqarluartoq suliamut toqqarneqarpoq Sophus E. Dal Christiansen, Savalimmiuni Arctic Import-imi tuniniaanermik pisortaq oqaluttuarpoq.
"Qaffasissumik pitsaassusilinnik aaqqiinissarput ukkatarilluarparput, tamatumalu saniatigut aserfallatsaaliuinissamik annikitsuinnarmik pisariaqartitsisunik. Assersuutigalugu Labofa-meersunit allaffimmi issiavissat Cobra-t siunnersuutigivagut. Issiavik qaffasissumik pitsaassuseqarnerata saniatigut ilorrisimaarnartumik issiaviuvoq, piiarneqapallassinnaasoq, taartissalersussallugu ajornaatsoq, taamalu aserfatsaaliuilluni", oqarpoq ilanngullugulu, Arctic Import aamma nipinut ussiitsumik allaffimmi sikaaviusamik nassiussinikuuvoq, ajoqusersorneqarani oqarasuaatikkut oqaluffiusinnaasumik imaluunniit ajoqusersorneqarani suliffiusinnaasoq.
