ATUARFIMMUT NUTAALIAMUT OYRARBAKKUR-IMI SAVALIMMIUNIITTUMI PEQUTINIK ATORTUSSANILLU NASSIUSSINEQ ANNERTOOQ
Arctic Import-imi ullutsinnut naleqquttumik nutaaliaasumillu pequsersornissaq qanoq pilersinneqassanersoq nalunngilarput. Tamannalu aammaarluta uppernarsarparput, nunaqarfimmi Oyrarbakki-mi Savalimmiuniittumi atuarfimmi nutarsakkami nutaanik pequsersuinitsinni.
Savalimmiuni qeqertat anginersaasa tulliani, Eysturoy-mi, nunaqarfik Oyrarbakki ippoq. Qeqertarpaat avannarpasissut allat assigalugit nunaqarfik manna aamma aningaasatigut pitsaasumik ineriartorpoq, taamaattumillu Sunda Kommune aaliangersimavoq atuarfiup ineriartornissaanut aningaasaliissalluni. Atuarfik ”Skúlin við Streymin” nutaamik kantiinamik, timersortarfimmik, allarpassuarnillu allilerneqarpoq, meeqqanut inuusuttunullu suli katersuuffiusarniassammat.
Nutarsaanermut atatillugu inerpassuit nutaat pequtinik atortussanillu nutaanik atortulersorneqarput, tassungalu ilanngullugu atuarfiup nutaannginnersaa aamma nutaanik pequsersorluni. Pisinissamullu nalunaarutit taakku marluk Arctic Import-imut ingerlatinneqarput, ilaatigut ininut atuartitsivinnut tamanut nerrivinnik issiavinnillu nassiussisussaapput taamatuttaaq kantiinamut nutaamut. Aammattaaq atuarfiup atuakkanik atorniartarfia isersimaartarfialu pequsersorneqarpoq, ataatsimoortarfippassuarnullu immikkut ittunik issiavinnik takisuunik.
"Suliariumannittussarsiuussinermi ajugaavugut, pissutigalugu akimik pitsaassusermillu ataqatigiilluartumik tunniussisinnaagatta. Assersuutigalugu pequtit tamavimmik ilinniartitsissutigalugit atornissaannut misilerarnikuusimanissaat akuerisaasimanissaallu, aammalu ilusilersueriaaseq kusanartoq ataqatgiisinnissaa", Kasper Lykkegaard Andersen, Arctic Importimi Project Manager oqarpoq.
Oqaluttuarpoq Arctic Import suliarinnittussarsiuussinerup ingerlanerani pitsaasumik akulikitsumillu Suna Kommune oqaloqatigisarlugu taamatuttaaq savalimmiuni illusanik titartaasarfik, Brim Arkitekter, atuarfiup nutaartassaanik titartaasimasup.
"Illussanik titartaasarfik ingammik pequsersornissaq pillugu siunnersortigisarparput, atuarfiullu titartarneranut tulluartunik iluarsiissutissanik siunnersuisarlutik. Atuarfik kusanartorujussuuvoq, nunaqarfiup eqqaaniittoq pinngortitarsuaq isumassarsiorfigalugu sanaaq, tamanna atortussatigut aamma ersersinneqartussaq", Kasper Lykkegaard Andersen nassuiaavoq.
