NUUMMI ATUARFERUJUSSUALIORNERMI ARCTIC IMPORT PISIORTORFISSATUT TOQQARNEQARPOQ
Nuummi nutaamik atuarfiliortoqaleruttorpoq, tulluusimaarutigaarpullu pequtinik atortussanillu allanik pilersuisussatut suliariumannittussarsiuussinermi toqqagaagatta. Kalallit Nunaanni meeqqat atuarfiannut aatsaat taamak annertutigisumik pequtinik atortussanillu pisiniartumik nalunaartoqarpoq.
Kalaallit Nunaanni suliffeqarfinnut namminersortunut pisortanullu suleqatitut sallersatut taamaasilluta qularnarunnaarsipparput. Nuummi atuarfimmut nutaamut Atuarfik Inussummut tapersiinerput, alloriarneruvoq pingaarutilik. Atuarfik nutaaliaq manna, tamakkiisumik 16.500 kvadratmiiterinik angissusilik, illoqarfimmi atuarfiit nutaannginnerit taartissaattut ilusilersugaavoq avatangiisinik mikisunik ilinniarfissanik pisatsersorneqarlunilu, pisarneq malillugu ilinniartitseriaatsinik unammillerlunilu piginnaasaqassusermut ineriartortitsisoq. Takorluukkap tamassuma piviusunngortinnissaanut pequtit pequsersornerlu pingaaruteqarput.
- Ilinniarnermi nutaanik pilersitsinnaaffiusuni avatangiisiliornissaq atuarfiup atuarnermi pingaartillugu sinaakkusiisinnaasussaavoq. Atuarfiup pisataanik annertuumik piumasaqarfiuvoq, nuannaarutigivarpullu, tamakkuninnga tunniussisinnaagatta suleqatigisakkagut, Lekolar, suleqatigalugit, iluarsaartuussilluni pilersaarusiortartutut akisussaasoq Kasper L. Andersen oqaluttuarpoq.
Atuarfimmi nutaami pilersitsisinnaassuseq ukkatarineqarpoq, suleqatigiinneq faginullu arlalinnut ilinniarneq, taamaattumik pequsersorneq ilinniarfissallu avatangiisai tamakkununnga tapersiinissaat pingaaruteqarpoq aamma atuartunik kajumissaarinissaq, taakku aamma isumasiorneqarnikuupput. Pequtinik toqqaaneq pingaartitat tamakku ikorfartorpaat, ataatsimoornernullu annikitsunut toqqissisimanartunullu sinaakkusiillutik. Lekolarimi ininik pequsersuisartut misilittagallit peqatiginerani ilinniarnermut avatangiisinik isummersuiffiusuni savituunillu pilersitsinissamik aaliangiisuusimavoq.
Tuniniaanermi pisortap Klaus Sindberg Lekolarimeersup Arctic Import aamma Lekolar akorngani suleqatigiilluarsimaneq aamma naqissuserpaa.
" – Pitsaalluinnartumik suleqatigiippugut aamma ammasumik qanittumillu oqaloqatigiittarpugut . Tamanna pisariaqarpoq, iluarsartuussamik pilersaarusiamut taama angitigisumut saanniaraanni, soorlu Nuummi atuarfik nutaaq taamaattoq. Suleqatigiinnitta nukittoqqutigaa, tamatta immikkut piginnaaneqarfigilluakkatsinnik tapersiisinnaasaratta. Arctic Import logistikkimik paasisimasaqarluarpoq, uagullu ilinniarfiit pillugit paasisimasaqarluarpugut, taamaattumik ataatsimoorluta nukittoorujussuuvugut. Suna tamaat tulluaqatigiisipparput pisisartutsinnut nuannaarutaasumik, aamma ilimagilluinnarpara, atuarfik nutaaq tamanut nuannaarutaajumaartoq”, Klaus Sindberg oqarpoq.
Atuarfik nutaaliaajutigaluni illuliaq aamma illoqarfimmi innuttaasunut ataatsimoorfiussaaq, sammisaqartitsinerit assigiinngitsut atuarfimmi katersorneqarsinnaammata. Atuarfimmi atorturissaarutit illoqarfimmi peqatigiiffinnit atorneqarsinnaanerat periarfissaassaaq.
Pequterpassuarnik atuarfimmut nassiussineq logistikkimik suliaq annertungaatsiarpoq. Arctic Import iluarsartuussanik pilersaarutinik aqutsinermi akisussaaffeqarpoq, pitsaassutsimik qulakkeerinninnissaq nioqqutinillu poortuinermi peqqissaarnissaq, assartornerini ajoqusinnginniassammata. Containerit 40 fodsillit angisuut 20-it missaaniittut martsip aallaqqaataani Danmarkimiit Kalaallit Nunaannut nassiunneqassapput, pequterpassuit ikkussulerpata, suliassaq annertooq utaqqivoq.
- Pequtinik taama amerlatigisunik nassiussinissaq, ataqatigiissaassallugu ikkussortagaq logistikki, annertuujuvoq, taamaattumillu aallaqqaataaniit naammassinissaata tungaanut peqataavugut. Logistikki piginnaaneqarluarfigisatta ilagivaat,, Kasper L. Andersen oqaluttuarpoq.
Arctic Import aammattaaq pequtinik, pinguarluni atortussanik atortunillu allanik Nuummi ulluunerani paaqqinnittarfimmut nutaamut december 2023-mi atulersumut nassiussinikuuvoq.
