ARCTIC IMPORT PEQUTINIK ATORTUSSANILLU SAVALIMMIUNI ATAQQINEQAATAASUMIK SANAARTORFIUSUMUT NASSIUSSIVOQ
Glasir Torshavnimiittoq Savalimmiuni ilinniagaqarfiit annerpaartarivaat, 1.500-nik ilinniartoqarpoq 250-nillu sulisoqarluni. Arctic Import sanaartukkamut kusanartumut, BIG Arkitektinit titartarneqarsimasumit Rosan Bosh Studiomillu pisatsersorneqarsimasoq, isersimaartarfiliami atuakkanillu atorniartarfimmi pequtinik nassiussinikuuvoq. Savalimmiuni illoqarfiit pingaarnersaanni Torshavnimut Nólsoy-fjordimullu isikkivillimi qeqertarpaani ataqqineqaataasumik sanaartugaq ippoq – tassalu ilinniagaqarfik Glasir.
Ilinniagaqarfik 2018-mi aallarnisarneqarpoq, ilinniarnertuunngorniarfiit pingasut, Færøernes Gymnasium, Handelsskolen Teknisk Skolelu katullutik ataatsimuulermata. Sanaartugaq kusanartoq nunanit assigiinngitsunit nersorneqartumit illussanik titartaasarfiup BIG Arkitektimit titartarneqarsimavoq, sanaartukkamut ilusilersuineq Tórshavnimi nunap isikkua pissanganartoq isumassarsiorfigisimavaa, saniatigut pequsersuisartoq ilusilersuisartorlu ataqqisaasoq, Rosan Bosch Studio, pequsersuineq akisussaaffigisimallugu.
Iluarsartuussamik pilersaarusiamut ataqqinaataasumut pisiortorfiusussanut piumasaqaatit, tupinnanngitsumik qaffasittorujussuusimapput, taamatorpiarlu Arctic Import, isersimaartarfinnut pequtinik ilinniagaqarfiullu atuakkanik atorniartarfianut pequtinik atortussanillu allanik nassiussisussatut toqqarneqarsimapput.
"Iluarsartuussamik pilersaarusiami titartaasartut tusaamasanit nunanilu assigiinngitsuni nersorneqartunit peqataaffigineqarpoq, soorunalimi ilaatigut ataqqineqarnermik kinguneqarpoq. Suliassaq, suliatta allat assigalugit, maniguulluta ataqqinnillutalu suliarivarput, pisisartutta pisariaqartitai malillugit”Arctic Import Torshavnimi Tuniniaanermi Pisortaq Sophus E. Dal Christiansen oqaluttuarpoq.
Ilinniagaqarfimmi atuagassorluni teknikkikkullu ilinniarnerit ataatsimoortinnerini faginut arla¬linnut sammivik salliutinneqarpoq, tamannalu Eyðun Hansen malillugu pequtilersornikkut ersersin¬neqarpoq:
"Ilinniarnertuunngorniarfinnik teknikkimillu ilinniarfinnik ataatsimoortitsinerup siunertaasa ilagivaat ilinniarnerit pitsaassusaanik sunniivigeqatigiinnikkut qaffassaanissaq. Tamanna ilaatigut ilinniagaqarfiup atuakkanik atorniartarfiasigut ersersinneqarporlusooq, taamaattumillu Rosan Bosch Studio suleqatigilluarlugu siunnersortigivarput, assersuutigalugu atuagaasiviit atuakkanillu atorniartarfimmi pequtit allat sumut inississallugit naleqqunnerunersut”,oqarpoq.
Ilinniagaqarfiup pequsersornera ilinniartut gruppekkuutaarlutik sulinissaannut periarfissat aammattaaq tunngaveqarluarpoq. Taamaattumik Arctic Import COURAGE-sofanik MITAB-meersunik nassiussipput, nalaasaarfiit katitertakkat svanemærkillit, aammalu nalaasaarfiit SILHOUETTE-mik meqqillit HAY-meersut.
"COURAGE-modulit pisariaqartitsineq naapertorlugu ikkussorneqarsinnaapput nalaasaarfinnillu HAY-meersunit katiterinermi pitsaasumik assequsiinnaasunik, inerujussuarmi mikinerumaanik ineeraliorsinnaanermik periarfissiimmat. Tamatuma saniatigut pequtit atortullu nalinginnaasut ini allanngoratillugu ataqatigiisilersippaa, Sophus E. Dal Christiansen naggasiivoq.
