ARCTIC IMPORT PEQUTINIK ATORTUSSANILLU ULLUUNERANI PAAQQINNITTARFIMMUT NUTAALIAMUT NUUMMIITTUMUT NASSIUSSIPPUT
Nuummi ulluunerani paaqqinnittarfimmi nutaami meeqqat pinnguaraangamik, Arctic Importimit nassiussat pequtit atortussallu assut nuannaarutigivaat. Ulluunerani pjaaqqinnittarfik Naasut, nutaaliorsinnaasuseqarnermut piujuaannartitsinissamullu Kalaallit Nunaanni ilisarnaataapput.
December 2023-mi Naasut Nuummi matuni ammarpai. Ulluunerani paaqqinnittarfittaami meeqqat 96-it inissaqarput meeqqerivinnut marlunnut meeraaqqerivinnullu pingasunut agguakkat. Arctic Importimi tulluusimaarutigaarput pequtinik pinnguarfissanillu matumunga mutiusumik nutaaliortumullu atortorissaartumut nassiussisinnaagatta. Kommuneqarfik Sermersuup takorloorsimavaa Kalaallit Nunaannit pitsaanerpaamik piujuaannartitsilluinnartumillu meeqqeriviliornissaq, anguniagaq tamanna Naasuni naammassilluarneqarpoq.
Kommunip avatangiisinik pilersitsinissaq angusaqarluarfigerusussimavaa, sananermut pequsersornermullu nutaaliorsinnaassuseq nutaamillu eqqarsarsinnaaneq pingaartillugu. Tamanna anguneqarsimavoq qaamasunik kajungernartunillu avatangiisitigut, pinnguarnissamut periarfissanut inissaqarluartumik, meeqqallu alapernaatsutut peqqissutullu innuttaasunngornissaanut periarfissaqarluni.
Pequtit, pinnguarnermi atortut atortullu allat, avatangiisit ilinniarnissamut pinnguarnissamullu inerikkiartornermi pingaaruteqarput, pisiortorfigisatta aalajaatsup Lekolar suleqatiginerani tamarmik nassiunneqarput,
- Kommuneqarfik Sermersooq perorsaavimmik pilersitsivoq, meeqqat ineriartornerunissaanut, ilinniarnissannut, pinnguarnissaannullu tamakkiisumik periarfissiisumik, tassanilu pequtit atortullu pingaaruteqarput. Nioqqutissat pitsaalluinnartut toqqarneqarsimasut eqqartorneqarput, meeqqat maluginiutaannut timillu aalatinissaanut iluaqutaasunik. Meeqqanut pitsaanerpaanik avatangiiseqartitseqataanerput assut tulluusimaarutigaarput Iluarsartuussamik pilersaarusiornermi akisussaasoq Kasper L. Andersen oqaluttuarpoq.
Ulluunerani paaqqinnittarfik Nuummi atuarfissap nutaap eqqannguaniippoq, atuartut 1.200 tassaniissinnaapput. Arctic Import Lekolarilu atuarfimmut aammattaaq pequtinik atortunillu nassiussisussatut toqqarneqarnikuupput.
Pilersaarusiamut iluarsartuussamut pissanganarluinnartumut paasissutissat sukumiinerusut uani takuneqarsinnaapput.
