07.01.2025
Konpap Grønland Arctic Importip ilagilissavaa
Konpap Grønland Arctic Importip ilagilissavaa
2025 nutaarsiassamik nuannersumik aallartippoq, ukiup ingerlanerani pilersaarutigut malillugit piginneqatigiilerup kingunerisaanik pissusissamisoortumik Nuummi allaffeqatigiilernissaq.
1. januar 2025 Konpap Grønland ilaqutariinni Arctic Importikkunnut ilanngutivissaaq ateqassaarlu Arctic Import Interiør.
Tamanna Konpapimut kapitalimik nutaamik aallarniinermik pissanganartumik nalunaaqutsiivoq, ukiut qulit sinnerlugit qajannaatsumik tunngaviliisimanerput suli ingerlatissagatsigu. Arctic Import Interiørimi nukiit ataatsimoortinnerini sulianik naammassinnittarnigut nukittorsassavagut ingerlariaatsillu piuminarnerulissallutik, tamatuma sanitigut pitsaassuseq sullissinerlu immikkuullarissoq ingerlatiinnassallutigu.
Konpap 2011-mili aallartikkami pitsaassuseq sullissinerlu qaffasissoq ingerlatiinnarsinnaagatsigu tulluusimaarutigivarput. Jan Rasmussen aallaqqaataaniilli pequtinut ininillu pequsersuisarnermik akisussaasuusimasoq nangillugu nassiussuisarneq tatiginartoq nukittoorlu ingerlatissavaa.
”Maannakkorpiaq Kalaallit Nunaanni nuannersunik pisoqarnerani pisariaqartipparput suleqatigisagut 100 %-imik ikorfartussallugit sulianik pisiortornernillu pitsaanerpaamik naammassinninnissamut suli qulakkeerinninissamut. Taamaattumik uagutsinni allaffissorneq annikinnerpaamiitillugu Arctic Import Interiør ataani ilisilarnaat niuernitsinni katersorpagut”, Henrik Kronborg salgsdirektøri oqaaseqarpoq.
Siunissami periarfissarpassuit nutaat ataatsimoornikkut atorluarnissaanik, qilanaarivagut.