Takorluukkamit piviusumut: Mittarfik Nuuk avatangiisii nutaat Arctic Importip pilersitai
Tunuliaqutaq iluarsartuussillunilu pilersaarusiap annertussusia
Mittarfik Nuuk angisuup ineriartortinnerani qitiusumik peqataasimavugut. Iluarsartuussamik pilersaarusiornerup siunertaa ataqatigiinnermut aaqqissuussinerit pitsaanerulertinnissaat taamaallaat siunertaanngilaq, kisianni aamma avatangiisinik mutiusunik kajungernartunillu tamaanimiunut nunanillu allaneersunit angalasunut pilersitsinissaq.
Jan Rasmussen aqutsisoralugu Greenland Airports mittarfiullu titartaasui qanimut suleqatigalugit, annertuumik naammassisaqarpugut, ilaatigut suliffeqarfinnik pequsersuineq, business loungit, utaqqisarfiit sassaalliinissamullu atortorissaarutit. Iluarsartuussilluni pilersaarusiorneq 2023 aallartinneraniit november 2024 tungaanut suliaavoq aqqutaanilu nutaanik inerniliinissaq ataqatigiissaareqqissaarinerlu pisariaqarsimavoq.
Nassiussinerit inerniliinerillu
Arctic Import tamakkiisumik pequsersuinerani makku ilaapput:
- Suliffeqarfiit: allaffeqarfiit nerriviit issiaviillu 50 missaaniittut.
- Utaqqisarfiit: Business lounginik utaqqisarfinnillu pequsersuineq, 150-it angullugit inoqarsinnaasoq.
- Café-t sassaalliisarfiillu: Atortorissaarutit isumannaallisaavimmiittut mittarfiullu eqqaaniittut.
- Pinnguartarfiit: Pinnguartarfiit ilusilersorneri ikkussorneqarnerilu, angalasunut nukarlernut nuannersumik toqqissisimanartumillu pilersitsisut.
Mittarfeqarfiit qalipaatinut, pitsaassutsimut ilusilersuinermullu aaliangersimasumik piumasaqarnikuupput. Assersuutigalugu qalipaatilersuinermi kalaallit pinngortitaa isumassarsiorfigineqarpoq soorlu tungujortut allanngorartut siku isumassarsiorfigalugu, sungaartoq aappaluartoq unnukkut seqineq isumassarsiorfigalugu qalipaallu qorsuk qaamasoq arsarnerit isumassarsiorfigalugit. Toqqakkat tamakku kusanartut mittarfiup ilusilersorsimaneranut Kalaallit Nunaata pinngortitaanut asseqanngitsumut naleqqussarlugit tulluussarluagaapput.
Ataqatigiissaarinerit unamminartut qanimullu suleqatigiinneq
Iluarsartuussamik pilersaarusiaq logistikkimik pilersaarusiorneq tulluarsarsinnaassuserlu, assartuineq sillimaniarnerlu ingammik eqqarsaatigalugit. Pequtit tamarmik Kalaallit Nunaannut assartorneqarput, mittarfiup sillimaniarnermik iluarsartuussineri atorlugit skannerneqarlutillu ikkussorneqarput ulluinnarni ingerlatsineq sunniuteqarfiginagu.
”Assut suleqatikkuminarlutillu ikiuukkumatussuseqarput. Akimorneqarsinnaanngiivipput” Mittarfimmi sulisunik Mittarfeqarfillu suleqatiginerat pillugu Jan Rasmussen oqarpoq, nangillunilu:
”Montørerpassuit sulisullu ulloq unnuarlu annikitsuaqqat tamarmik inississorniarlugit assut tulluarsallaqqillutik sulisimasut, qujaffigerujussuartariaqarput. Taakku sulinerat nalileruminaatsuuvoq iluarsartuussamillu pilersaarusiap iluatsinnissaanut aaliangiisooqataasimallutik.”
Inernerit isumaalu
Iluarsartuussamik pilersaarusiaq piffissaq eqqorlugu naammassineqarpoq nuannaarutigineqaqisumik. Mittarfiup nutaap takornariaqarneq annertusissasoq nunallu akornanni niueqatigiinnerulernissaq naatsorsuutigineqarpoq, suliffissanik nutaanik pilersitsillunilu aningaasaqarniarneq nukittorsassavaa.
"Iluarsartuussamik pilersaarusiamik taperseeqataalluni ataqqinaataavoq. Kalaallit Nunaat tikikkuminaatsuunikuuvoq, kisianni maanna nunarsuup ilaanut annertunerusumik ammaavugut, tamannalu tulluusimaarnarpoq," Jan Rasmussen oqarpoq.
Pisoq pingaarutilik Arctic Importimut iluarsartuussamik pilersaarusiaq nalunaaqutisiivoq, suliffeqarfiup angisuunik katitigassanillu inerniliisinnaassuseqarneranik kiisalu inuiaqatigiit ineriartornerannut pimoorussineranik naqissusiisoq.
