SAVALIMMIUNI INUUNERISSARTARFIK – URD ILISSERLUGU INISSITSITIGAQ

Savalimmiuni pinngortitarsuup qeqqani, Torshavnip eqqaani alianaatsumiittumiippoq, ”Umlættingar- og rehabiliteringsdepilin”, ”URD”-itut ilisarisimaneqartoq. Sullissivik savalimmiuni kommuninit inuunerissartarfittut siullersaattut malunnaataavoq. Torshavn-ip illoqarfiata ilaanni Hoyvik-imi inissisimanermini ammaalu Nólsoyarfjørður-imut isikkivigilluinnarnera, URD ilusilersugaavoq sungiusarfissatut inuulluataarfissatullu siullersaavoq. Siniffissat 27-it atorlugit sullissiviup siunertarivaa inuunerissarnissamut pisariaqartitsinermik annertusiartortumut peqataalersitsinissap anguniarnissaa – soorlu pillorissaasunik, timimik sungiusaasartunik, sungiusarluni atortorissaarutinik nutaaliaalluinnartunik neqerooruteqartarnissaq.

Arctic Importimi ininik pequsersuinermi immikkut ilisimasalittut URD-ip ilusilersornerani qitiusumik peqataasimanerput tulluusimaarutigivarput. Pequtinik atortussanillu nassiussinissaq suliassarivarput, inuunerissartarfimmi nutaaliami atornissaminut tulluarsagaaginnarnani, aammattaaq pinngortitarsuarmut avatangiiserisamut tulluarsarlunilu ersariissaanissaq eqqissinartumik ajorunnaarnartumillu silaannaqartumik pilersitsisumik. Suliamut pimoorussinerput avatangiisinik pilersitserusunnerput ersippoq, sungiusarnissamik inuulluataarnisamillu tapersiisumik, tamatuma saniatigut savalimmiuni kusanassutsip asseqanngitsup misigisaqarfiuvoq.

urd-1
urd-2

Iluarsiissutinik toqqaanermi, ataqqinnittumik avatangiisinik nalinginnaasunik peqataasitsinermi, illussanik titartaaneq pequsersuinerlu illoqarfimmi kultuuri pinngortitarlu qanoq ataqatigiisinneqarsinnaanersut, URD assersuutitut atorlugu takutitsivugut. Suliap massuma ilissikkatullusooq aaqqiissusiisarnerput piginnaaneqarfigigipput naqissuserpaa, pisisartutta takorluugaanik pisariaqartitaanillu naapitsisumik, sumiiffiup isikkua periarfissallu ilisimalluinnarlugit.

URD pillugu suliaqarnitsinni ininik pilersitsinnaanermut piginnaasatsinnik pimoorusinitsinnullu uppernarsaataapput. Torshavn Kommune aamma illunik titartaasarfik Lofti Arkitekter suleqatigilluarlugu suminiaqqat tamaasa inaarsarpagut, inissitsiterinermi pisariaqartitat naleqqussanerini kusanassusermillu angorusutat naammassinissaat qulakkeerniarlugit. Suliaq manna tulluusimaarnartumik assersuutaavoq, Arctic Importip kusanassuseq, atuisinnaassuseq isumaginninnerlu qanoq ataqatigiisaarisinnaaneranut.

Suaqqanut pimoorussisinnaanerput isumaqarpoq, toqqaasarnigut suulluunniit tamaasa soqutigigatsigit, soorlu pequtini kigarnaveeqqutinit imaluunniit atuagaasiviit qassinik ilisiveqassanersut. "Pisisartorput peqatigalugu sumininnguit tamaasa ukkatarilluarnissaat uagutsinnut pingaaruteqarpoq, inaarutaasoq kissaatigisarpiamisut naammassineqarnissaa qulakkeerniarlugu" Sophus E. Dal Christiansen, Savalimmiuni Arctic Importimi tuniniaanermut pisortaq oqaluttuarpoq. Tamanna pequtit qalipaasersorlugit katiterneranit annoraaminernik toqqaanermut kiffiarnissaanullu ilaapput, tassani illusanik titartaasartut ilisimasaqarluarnerat aamma iluaqutigivagut tulluussaarineq pitsaanerpaaq anguniarlugu.

Inissisimaffik asseqanngitsoq immamut isikkivilik pequtinik atortussanillu toqqaanitsinni isumassarsiorfiusimapput, sullisiviup titarnera kusanartoq ippinnaateqanngitsorlu ersersinniarlugu – savalimmiuni pinngortitarsuaq avataaniittoq tulluussarluarlugu. "Sullissivimmi sunnguit tamarmik atornissaminut tulluarsagaaginnarnatik, aammattaaq eqqisinartumik ajorunnaarnartumillu silaannaqarnissaa anguniagarivarput," Sophus E. Dal Christiansen naggasiivoq.

URD-10
urd-8
urd-12
urd-13
urd-14
urd-15